Salyanda sentyabrın 18-dən başlayaraq Əmək və Əhalinin Sosial Müdafiyəsi Nazirliyinin sifarişi əsasında Qarabağ əlilləri və şəhid ailələri üçün 2 mərtəbəli, 3 bloklu, 16 mənzilli yeni yaşayış binası inşa edilməyə başlanıb. Binanın tikintisi tenderin qalibi olan "SVS-Ltd" MMC tərəfindən həyata keçirilir.
Cəmiyyətin iş icracısı Rafiq Rzayevin verdiyi məlumata görə, yeni yaşayış binası 650 kv. metr sahəni əhatə edir. Hazırda yeni yaşayış binasının 1-ci mərtəbəsində hörgü işləri aparılır. Hələlik inşaat meydançasında 14 nəfər fəhlə çalışsa da, yaxın günlərdə tikinti işləri sürətləndirmək məqsədilə əlavə işçi güvvəsi cəlb ediləcək.
R.Rzayevin dediyinə görə, Qarabağ əlliləri və şəhid ailələri üçün tikilən yeni yaşayış binası 4 ay müddətinə inşa edilərək istifadəyə veriləcək.
