...

Naxçıvan MR Fövqəladə Hallar Nazirliyi Naxçıvan Qızıl Aypara Cəmiyyəti ilə birgə fəaliyyətə dair memorandium imzalayıb

Siyasət Materials 4 Dekabr 2006 13:54

Trend-i buradan izləyin

Naxçıvan MR Fövqəladə Hallar Nazirliyi Naxçıvan Qızıl Aypara Cəmiyyəti ilə birgə fəaliyyətə dair memorandium imzalayıb. Trend in Naxçıvan Bürosu xəbər verir ki, anlaşmanın imzalanması hər iki təşkilat arasında fövqaladə hallara hazırlıq, onlara reaksiyavermə sahəsində sıx əməkdaşlığı nəzərdə tutur.

Birgə fəaliyyət istiqamətində sənədin imzalanma mərasimində çıxış edən Naxçıvan MR Fövqəladə Hallar naziri Şamı Abdullayev rəhbərlik etdiyi təşkilatın fəaliyyəti ilə Qızıl Aypara Cəmiyyətinin məqsəd və vəzifələrinin bir çoxunun əlaqəli olduğunu qeyd edərək, bu işlərin birgə yerinə yetirilməsinin vacibliyindən danışıb.

Naxçıvan MR Qızıl Aypara Cəmiyyətiniy sədri Yaşar Vəliyev də anlaşma memorandiumunun imzalanmasını sıx əməkdaşlıq göstərmək baxımından yüksək dəyərləndirib. "Hazırda regionda tərkibində bir şəhər, 7 rayon komitəsi və bu komitələrdə 614 ilk təşkilatın 30 minə yaxın üzvünü birləşdirən cəmiyyətin Naxçıvan MR Fövqəladə Hallar Nazirliyi ilə birgə müvafiq sahələr üzrə əməkdaşlığı təqdirəlayiq haldır" - deyə Yaşar Vəliyev əlavə edib.

Xəbər lenti

Xəbər lenti