Naxçıvan MR-də qəsəbə və kənd bələdiyyələrinin assosiasiyası yaradılacaq. Trend in Naxçıvan Bürosunun məlumatına görə, keçirilən bələdiyyə yığıncaqlarında artıq bununla baglı ilk təşəbbüslər irəli sürülüb.
Naxçıvan Şəhər Əliabad bələdiyyəsində və Babək rayon İcra Hakimiyyətinin akt zalında baş tutan təbirlərdə təkliflər səsə qoyularaq müsbət qərar qəbul edilib. Tədbirdə belə bir fikir də səsləndirilib ki, yeni assosiasiyaların yaradılması regionda bələdiyyələrin birgə fəaliyyətinin əlaqələndirilməsini yüksək səviyyədə təmin edəcək, faydalı əməkdaşlığa zəmin yaradacaq.
Hər iki tədbirin sonunda Naxçıvan MR Qəsəbə və Naxçıvan MR Kənd Bələdiyyələri assosiasiyalarının təsis yığıncağına nümayəndələr seçilib. Qeyd edək ki, bu istiqamətdə atılan addımlar 1999-cu ildə qəbul edilmiş "Bələdiyyələrin statusu haqqında" Azərbaycan Respublikasının müvafiq qanununa əsasən həyata keçirilir.
