Bu il il Qərb bölgəsində taxıl əkini aşağı düşüb. Bu barədə məlumatı Trendə Ərazi Kənd Təsərrüfatı İdarəsinin rəisi Sədrəddin Nəzərov verib.
Onun sözlərinə görə, bu il ötən ilə nisbətən bölgədə 7965 hektar payızlıq taxıl az əkilib. Belə ki, ötən il payızlıq əkin sahəsi 41149 hektar olsa da, bu il bu göstərici 33184 hektar təşkil edib. Müsahibin sözlərinə görə, daha az əkin aparan rayon bu il Yevlax olub. Ötən il bu raoynda 13544 hektar taxıl əkilsə də, bu il 6245 hektar taxıl əkilib.
S.Nəzərovun sözlərinə görə, taxıl əkininə olan marağın azalması müxtəlif səbəblərlə əlaqədardır. "Bu il taxıl əkməyə fermerlərin marağı azalıb. Səbəb ondan ibarətdir ki, taxılın maya dəyəri baha başa gəlir. Yanacaqın bahalığı, şum, səpin və s. aqrotexniki xidmətlər da bahalaşıb. Buna görə də təsərrüfatlar taxıl əkmək istəmirlər" - deyə müsahib bildirdi.
