...

Bərdədə elektrik, qaz və su pulunun ödənilməsi ilə bağlı iclas keçirildi

Siyasət Materials 18 Dekabr 2006 18:39 (UTC +04:00)

Bərdə rayon İcra hakimiyyəti tərəfindən elektrik, qaz və su pullarının odənilməsi ilə bağlı iclas keçirib. Trend in bölgə müxbiri xəbər verir ki, iclasda çıxış edən Bərdə rayon icra hakimiyyətinin başçısı İlham Ağayev bildirib ki, kommunal xərclərin ödənilməsi ilə bağlı 5 - ci dəfə tədbir keçirilir.

Rayonda elektrikin fasilələrlə verilməsini, sayğaclaşmanın zəif aparıldığını və elektrik pulunun az yığılmasını deyən rayon icra başçısı qeyd edib ki, bu il rayonda sayğaclaşma 100% aparılmalı idi, ancaq hələ Rayon Elektrik Paylayıcısı Şəbəkəsi bunu 50% yerinə yetirib. Bu ilin sonuna gədər 55%-ə çatdıracaq. Başçı zəif külək əsəndə və yağış yağanda elektrikin olmadığını da bildirdi.

Bərdə Rayon Elektrik Paylayıcısı Şəbəkəsinin rəis müavini Faiq Əhmədov çıxışında 23 min abonentin olduğunu və bunlardan 11, 405-nə sayğac qoyulduğunu, bu ay isə rayon ərazisində sayğaclaşmanın başa çatdırılacağını bildirdi. Rəis müavini onu da qeyd etdi ki, rayonun bir çox kəndlərində abonentlərdən pul yığımı az olduğu üçün bir sıra problemlər yaranır.

Bərdə rayonu üzrə əhaliyə verilən enerjinin və suyun fasiləsiz təminatının dəyərinin ödənilməsi və sayğaclaşma işlərinin başa çatdırılmasına nəzarət edən rayon qərərgahının sədri Yaşar Zamanov "Trendə" müsahibəsində bildirib ki, bu ay işıq pulunun ödənilməsi 25% , qaz pulunun ödənilməsi 30%, su pulunun ödənilməsi isə 70%-dir. Rayonda qaz sayğaclaşması 90% aparılıb, suyun sayğaclaşmasında isə işlər yeni başlayıb.

Xəbər lenti

Xəbər lenti