Yevlax-Ağcabədi avtomobil yolunun 35-ci km-də Bərdə rayonunun Nihzalıbəyli kəndinin ərazisində Əliyev Elnurun idarə etdiyi 10 FM 961 dövlət nişanlı, "Jiquli-09" markalı avtomobil Adıgözəlov Şükürün idarə etdiyi 10 NH 069 dövlət nişanlı, "Jiquli-099" markalı avtomobillə toqquşub. Nəticədə 09 markalı avtomobildə sərnişin qismində olan 40 yaşlı Muradova Kəmalə Mustafa qızı hadisə yerində keçinib, 7 nəfər yaralanıb. Bunlar 1994-ci ildə anadan olmuş Mustafazadə Gülnar, 1983-ci il təvəllüdlü Orucova Şəbnəm, 21 yaşlı Əliyeva Turanə, 1972-ci il təvəllüdlü Adıgözəlova Seyran və 41 yaşlı Məmmədova Rəfiyədir. Yaralılar müxtəlif bədən xəsarəti ilə Bərdə rayon Mərkəzi Xəstəxanasına yerləşdirilib. Mərkəzi Xəstəxananın travmotologiya şöbəsindən Trend in bölgə müxbirinə verilən məlumata görə, yaralıların vəziyyəti orta-ağırdır. Bərdə Rayon Dövlət Yol İdarəsinin rəisi Elçin Əliyevin verdiyi məlumata görə, hadisənin səbəbi ilkin versiya kimi yüksək sürətdir. Hadisə ilə bağlı Bərdə Rayon Polis şöbəsində araşdırma aparılır.
...