Ötən il Gəncədə boşananların sayında azalma var. Bu barədə məlumatı Trend ə Gəncə şəhər Nizami və Kəpəz rayon Vətəndaş Vəziyyətləri Aktları Şöbələrindən bildiriblər.
Şöbələrdən bildiriblər ki, ötən il şəhərdə 2165 nigah bağlanıb. Bu isə 2005-ci illə müqayisədə 138 nigah çoxdur. Belə ki, 2005-ci ildə bu göstərici 2027 olub. Boşanma faktları isə 2005-də 485 olsada, ötən il 389-a enib.
Şöbələrdən verilən digər məlumata görə 2006-ci ildə 3959 körpə dünyaya gəlib. Həmin il isə 1938 nəfər dünyasını dəyişib.