Güney Azərbaycan Milli Oyanış Hərəkatının (GAMOH) lideri Mahmudəli Çöhrəqanlının yaxın günlərdə Avropaya səfəri başlayacaq. Bu barədə Trend ə GAMOH-un Bakı nümayəndəliyinin rəhbəri Ağrı Qaradağlı məlumat verib.
Onun sözlərinə görə, M.Çöhrəqanlı səfər çərçivəsində Almaniya, İsveç və Hollandiyada olacaq. Bu ölkələrin rəsmi və qeyri-rəsmi şəxsləri ilə görüşlər keçirəcək. Görüşlərdə Güney Azərbaycan məsələsi, İranda yaşayan azərbaycanlıların hüquqlarının pozulması barədə danışılacaq. Qeyd edək ki, GAMOH lideri ABŞ-da mühacir statusu ilə yaşayır.
GAMOH 1995-ci ildə İranda yaşayan azərbayacanlıların haqları uğrunda açıq mübarizə aparmaq məqsədilə təsis olunub. Dünyanın müxtəlif ölkələrində 24 təmsilçiliyi-bürosu olan GAMOH beynəlxalq hüquq və prinsiplərə əsaslanaraq, Güney Azərbaycanın "öz müqəddəratını təyinetmə" haqqının bərpası uğrunda mübarizə aparır.
