...

Azadlıq Partiyası Dövlət Əmlakının İdarə Edilməsi üzrə Dövlət Komitəsini məhkəməyə verib

Siyasət Materials 2 Mart 2007 12:03 (UTC +04:00)

Azərbaycan, Bakı /müxbir Trend S.İlhamqızı/Azadlıq Partiyası Dövlət Əmlakının İdarə Edilməsi üzrə Dövlət Komitəsini məhkəməyə verib. Bu barədə partiyanın sədri Əhməd Oruc məlumat verib.

Ə.Oruc bildirib ki, Azadlıq Partiyası 2005-ci ildə dövlət qeydiyyatına alınıb və partiyanın qərargahla təmin olunması üçün o vaxtdan indiyədək dörd dəfə Əmlak Komitəsinə müraciət edilib: "Lakin hər dəfə əsassız formada bizə cavablar verilib. Sonuncu dəfə bu il yanvarda yenə müraciət etdik və bizə cavab verildi ki, Dövlət Komitəsi balanssaxlayıcıların razılığından sonra bu məsələyə baxa bilər. Biz Əmlak Komitəsinin öz funksiyalarını yerinə yetirə bilməməsini əsas tutaraq onun barəsində Xətai rayon məhkəməsinə şikayət vermişik", deyə Ə.Oruc məlumat verib.

Onun sözlərinə görə, məhkəmədən Əmlak Komitəsinin Azadlıq Partiyasına qərargah üçün yer ayrılmasına göstəriş verilməsinin təmin olunması xahiş edilir.

Xəbər lenti

Xəbər lenti