Azərbaycan, Bakı/ Trend müxbir K.Ramazanova/ Amerikanın islama qarşı çıxması və müsəlman dinini terrorla müqayisə etməsi cəfəngiyyatdır. Bu barədə cümə axşamı ABŞ-ın Azərbaycandakı səfiri Enn Dörsi Bakıda "ABŞ-da müsəlman həyatı" kitabının təqdimatında bildirib.
"Amerika islamı dünya dini hesab edir və ABŞ islama qarşı çıxmaqdan uzaqdır",-deyə o söyləyib.
Səfirin sözlərinə görə, əcnəbilər ABŞ-dakı müsəlmanların həyatı barədə çox az bilirlər.
ABŞ-da 1200 məscid fəaliyyət göstərir, müsəlmanların öz icmaları və məktəbləri var. "ABŞ-da müsəlman həyatı" kitabı mütəxəssislər tərəfindən ABŞ Dövlət Departamentinin sifarişi ilə hazırlanıb. Kitabda ümumi dini dəyərlərdən bəhs olunur.