Azərbaycan, Bakı, 17 oktyabr /müx. TrendLife Eldar Hüseynzadə/
"Küsəyən dağlar" klipinin çəklişləri başa çatıb. TrendLife-ın verdiyi məlumata görə, klipin ifaçısı tanınmış opera müğənnisi Fidan Hacıyevadır. Mahnının sözləri şair Məmməd Araza, musiqisi Nazim Quliyevə aiddir. Klipin rejissoru Rüfət Əsədovdur. Müğənninin sözlərinə görə: "Bu mahnıda mən ilk dəfə muğam ifa etdim. Tamaşaçılar hələ mənim ifamda belə bir janrı dinləməyiblər. Mənə elə gəlir ki, pis alınmadı." Onu da qeyd edək ki, yaxınlarda klipin təqdimatı keçiriləcək.