İsrail, Qüds / Trend müxbir R. Məmmədov/ Heydər Əliyev Fondu və Azərbaycanlıların Yaxın Şərq Konqresi birgə humanitar və təhsil layihələri həyata keçirmək niyyətindədirlər. "Bakıda Fondun icraçı direktoru Anar Ələkbərovla aparılan danışıqlar zamanı Azərbaycan həqiqətlərinin, Ermənistanın Azərbaycana təcavüzünün dünya ictimaiyyətinə çatdırılmasına kömək edəcək birgə layihələr üzərində işləmək qərarına gəldik. İlk belə layihə "Qarabağ həqiqətləri" kitabçasının ibri dilinə tərcüməsi olacaq" - deyə Azərbaycanlıların Yaxın Şərq Konqresinin prezidenti Aleks Şapiro Sulimanın Trend ə verdiyi məlumatda bildirib.
Konqresin prezidenti bildirib ki, Heydər Əliyev Fondu ilə real əməkdaşlıq etməkdə maraqlıdır. Onun sözlərinə görə, elm, mədəniyyət, səhiyyə sahəsində proqram və layihələrin işlənib hazırlanması və həyata keçirilməsi, sosial problemlərin həllinə kömək etmək, Azərbaycan mədəniyyətinin təbliğatı işində yardımçı olmaq, mənəvi dəyərlərin qorunub saxlanması, Azərbaycanın beynəlxalq nüfuzunun artılırması kimi Heydər Əliyev Fondunun qarşısına qoyduğu məqsədlər eyni zamanda Konqresin missiyasının tərkib hissələrindən biridir.
"Bu mənada bizim Konqresin həyati əhəmiyyətli maraqları Heydər Əliyev Fondunun maraqları ilə üst-üstə düşür" - deyə Aleks Şapiro Suliman bildirib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
.jpg)
.jpg)
.jpg)
