Azərbaycan, Bakı, 03 mart / Trend , müxbir E.Hüseynli/ Azərbaycanın Ekologiya və Təbii Sərvətlər Nazirliyi (ETSN) Bakı şəhər Ekologiya və Təbii Sərvətlər Departamentinin əməkdaşları tərəfindən qanunsuz qum daşınması faktı ilə əlaqədar 21 yük avtomaşını saxlanılıb. Bu barədə nazirliyin mətbuat xidmətindən məlumat verilib.
"Yerin təki haqqında" qanunvericiliyin tələblərinə riayət olunması vəziyyətinə nəzarət məqsədilə nazirlik dəniz sahili boyunca qumsal ərazilərdə mütəmadi reydləri davam etdirir.
Məlumata görə, Bakı şəhər Ekologiya və Təbii Sərvətlər Departamenti Qaradağ rayon Dövlət Polis Şöbəsinin əməkdaşları ilə birgə Bakı-Astara yolunun müəyyən ərazilərində baxış-nəzarət məqsədilə reydlər keçirərkən qanunsuz qum daşınması faktı ilə əlaqədar aşkarldığı 21 yük avtomaşını ilə bağlı müvafiq sənədləşmə işləri aparıb və barələrində qanunvericiliyə uyğun tədbirlər həyata keçirib. Tərtib olunmuş fakt və protokollara görə, hər bir sürücüyə qarşı iddia qaldırılıb və cərimə sanksiyası tətbiq olunub.
Reydlər davam etdirilir.
