Azərbaycan, Bakı 21 aprel/ Trend , müxbir N.Əhmədova/ Hər ayın ilk çərşənbə günü Azərbaycanın bütün bələdiyyələrində vətəndaşlarla görüş keçiriləcək. Bu barədə bazar ertəsi Qəsəbə Bələdiyyələri Assosiasiyasının mütəxəssisi Nofəl Bağırov məlumat verib.
Həmin günlərdə bələdiyyələr səhər saat 9-dan axşam saat 6-dək sakinləri qəbul edəcək, onların problemlərini, təşəbbüslərini və təkliflərini dinləyəcək.
Azərbaycanda 2757 bələdiyyə var.
Ədliyyə Nazirliyinin bələdiyyələrlə iş mərkəzinin rəhbəri Mehdi Səlimzadənin verdiyi məlumata görə, 2006-cı illə müqayisədə 2007-ci ildə bələdiyyələrin fəaliyyətindən şikayətlər artıb. Vətəndaşların əsas şikayətləri mülkiyyət hüquqlarının pozulması və onlara qanunla verilməli olan torpaq sahələrini əldə edə bilməmələri ilə bağlı olub.
2006-cı ildə Azərbaycanda bələdiyyələrlə bağlı 17 cinayət işi açılıb.
Məqalə müəllifi ilə əlaqə ünvanı: [email protected]
