Azərbaycan, Qazax, 23 aprel / Trend , müxbir N. Fətullayeva/ Ermənistanda əsirlikdə olan Azərbaycan Milli Ordusunun əsgəri Yaqub Muxtarov çərşənbə günü əsirlikdən azad olunub.
Qazax rayon Balacəfərli kənd icra nümayəndəliyindən verilən məlumata görə, əsir rayon istiqamətində, saat 14.00 radələrində BQXK-nin nümayəndələrinin iştirakı ilə Azərbaycana təhvil verilib.
Yaqub Allahverdi oğlu Muxtarov martın 9-da Tovuz istiqamətində əsir düşüb. Muxtarov 1988-ci il aprelin 29-da Şəki şəhərində anadan olub.
Ermənilər aprelin 11-də isə Qobustan rayonunun Xilmilli kəndindən hərbi xidmətə çağırılmış 19 yaşlı Vüsal Hümbətovu Ağdam istiqamətində əsir götürüblər.
Azərbaycan Ombudsmanı erməni əsirliyində olan azərbaycanlıların qaytarılması və onlara işgəncə verilməməsi xahişi ilə BQXK-nin Azərbaycan nümayəndəliyinin rəhbərliyinə müraciət edib.
Məqalənin müəllifi ilə [email protected] ünvanı ilə əlaqə saxlaya bilərsiniz