Azərbaycan, Bakı,07 may / Trend , müxbir E. Hüseynli,K. Zərbalıyeva/ Bakı şəhər Apellyasiya Məhkəməsi "Xural" qəzeti baş redaktorunun şikayətini qismən təmin edib.
Əvəz Zeynallı çərşənbə günü " Trend a bildirib ki, Yevlax rayonu icra hakimiyyəti başçısının iddiası əsasında, baş redaktora və məqalə müəllifinə qarşı təyin olunmuş cərimənin məbləği azaldılıb.
Yevlax rayon icra hakimiyyətinin başçısı Elmar Vəliyev "Xural" qəzetində dərc olunmuş "Elmar Vəliyev prezidenti aldadır" və "Elmar Vəliyev adına Yevlax MMC" adlı məqalələrdə şərəf və ləyaqəinin təhqir olunduğunu əsas gətirərək, Nərimanov rayon məhkəməsinə müraciət etmişdi.
Məhkəmə baş redaktora qarşı 6 min, məqalə müəllifi Vüqar Ələkbərova isə, 4 min manat məbləğində cərimə cəzası kəsmişdi.
Bakı Apellyasiya Məhkəməsi baş redaktorun cərimə cəzasının iki min, məqalə müəllifinin cəriməsinin isə 1000 manata endirilməsi barədə qərar qəbul edib.
Zeynallı məhkəmənin qərarı ilə razı deyil və Ali Məhkəməyə kassasiya şikayəti verəcəyini deyib.
Müəlliflə əlaqə saxlamaq üçün elektron ünvan - [email protected]
