Azərbaycan, Bakı, 19 may/ Trend , müxbir İ.Əlizadə/ Azərbaycan parlamentinin Elm və təhsil məsələləri daimi komissiyası hesab edir ki, şagirdlərin orta məktəblərə mobil telefon aparması onların normal təhsil almasına mane olur.
"Valideynlər və məktəb rəhbərliyi buna qarşı birgə mübarizə aparmalıdırlar", - deyə bazar ertəsi Trend -a açıqlamasında parlamentin Elm və təhsil məsələləri daimi komissiyasının üzvü, Bakı Dövlət Universitetinin rektoru Abel Məhərrəmov bildirib.
Son vaxtlar Bakı şəhərində məktəblilərin əksəriyyətində şagirdlər mobil telefon gəzdirirlər.
Komissiya üzvü hesab edir ki, şagirdlər telefonlardan riyazi əməliyyatların yerinə yetirilməsində də istifadə edirlər. "Mobil telefonlar şagirdləri bilik almaqdan uzaqlaşdırır".
Məhərrəmovun fikrincə, məktəblilərin mobil telefonlardan biri-birinə qeyri- etik ismarıc göndərmələri də narahatlıq doğurur: "Burada əsas rolu valideyn oynayır. Məktəbdə uşaqlara mobil telefon vermirlər", -Məhərrəmov deyib.
Məqalə müəllifi ilə əlaqə ünvanı: [email protected]
