Azərbaycan, Bakı, 13 oktyabr /Trend Life, müxbir Eldar Hüseynzadə/
Azərbaycan Dövlət Gənc Tamaşaçılar Teatrının (GTT) damında baş vermiş yanğın artıq saat yarımdan çoxdur ki, davam edir. Səbail rayonu yanğın hissəsindən Trend Life-a bildirdiklərinə görə, yanğın saat 13:30-da başlayıb və indiyədək davam edir. Onun söndürülməsinə dörd yanğınsöndürən maşın cəlb olunub. Teatrın rəhbərliyi ilə əlaqə saxlamaq hələ ki, mümkün olmayıb. Son il ərzində GTT-nin binasında tamamilə yenidən qurulma işləri aparılır və bu işlər damın dəyişdirilməsi üzrə davam etdirilirmiş.
Müəlliflə əlaqə saxlamaq üçün elektron ünvan: [email protected].