Azərbaycan, Lənkəran, 30 oktyabr / Trend , müxbir P.Əliyeva/ Azərbaycanın cənubunda yerləşən Lənkəran rayonunda (paytaxt Bakıdan 270 km məsafədə) uşaq evində olan 12 uşaq bu il ailələrinə qaytarılıb. Bu barədə cümə axşamı Trend -a rayonda fəaliyyət göstərən qarışıq tipli uşaq evinin direktoru Ofeliya Qənbərova bildirib.
Direktor bildirib ki, Lənkəranda "Uşaqların ailələrə verilməsi və alternativ qayğı haqqında Dövlət Proqramı" (2006-2015) çərçivəsində son üç ildə 63 uşaq öz ailələrinə və himayədar ailələrə verilib.
Uşaq Evində hazırda 52 uşağın olduğunu deyən Qənbərova onlardan üçünün hər iki valideyndən məhrum olduğunu və bu uşaqların da himayədar ailələrə veriləcəyini bildirib.
Məqalə müəllifi ilə əlaqə ünvanı: [email protected]
