Azərbaycan, Bakı, 16 yanvar / Trend , müxbir K.Zərbalıyeva/
Azərbaycanın Ombudsman Aparatının əməkdaşları Ədliyyə Nazirliyinin Penitensiar Xidmətinin 8, 12 və 13 saylı cəzaçəkmə müəssisələrinə baxış keçirib, məhkumlarla görüşüblər.
"Aparatın əməkdaşları 12 saylı cəzaçəkmə müəssisəsində saxlanılan "Gündəlik Azərbaycan" və "Realnıy Azerbaydjan" qəzetlərinin baş redaktoru Eynulla Fətullayevlə də görüşüblər", - cümə günü Trend -a Ombudsman Aparatının mətbuat xidmətindən məlumat verilib.
Trend -un arayışı: Fətullayev Cinayət Məcələsinin terororçuluqla hədələmə (214.1-ci), qulluq möveyindən istifadə etməklə milli, irqi, sosial və ya dini düşmənçiliyin salınması (283.2.2-ci) və vergidən yayınma(213.2.2) maddələri ilə təqsirli bilinərək, məhkəmənin hökmü ilə 8 il 6 ay azadlıqdan məhrum edilib.
Azərbaycanda peşə fəaliyyəti ilə bağlı 3 jurnalist həbsdədir.
Terorrorçuluqla hədələmə, qulluq möveyindən istifadə etməklə milli, irqi, sosial və ya dini düşmənçiliyin salınması və vergidən yayınma cinayətlərində təqsirli bilinərək, Ağır Cinayətlərə Dair İşlər üzrə Məhkəmənin 30 oktyabr tarixli hökmü ilə 8 il 6 ay həbs cəzası almış "Gündəlik Azərbaycan" və"Realnıy Azerbaydjan" qəzetlərinin baş redaktoru məhkəmənin hökmü ilə 242 min 522 manat məbləğində cərimələnib və onun baş redaktoru olduğu qəzetlərin 23 kompüteri müsadirə olunub.
Məlumatda qeyd edilir ki, Fətullayev, Ombudsman Elmira Süleymanovanın müdaxiləsinədn sonra istədiyi qəzetlərin ona verildiyini söyləyib: "Baş redaktor ona qarşı münasibətdə cəzaçəkmə müəssisəsinin rəhbərliyi və əməkdaşları ilə hazırda heç bir probleminin olmadığını deyib", - məlumatda vurğulanır.
Məqalə müəllifi ilə əlaqə ünvanı: [email protected]
