Azərbaycan, Bakı, 21 yanvar/ Trend , müxbir R.Ergün/ Azərbaycanın "Bakı" futbol klubunun Türkiyənin Antalya şəhərində keçirəcəyi təlim-məşq toplanışında yoxlama oyunlarında qarşılaşacağı komandaların adları məlum olub. Bu barədə Trend -a klubun mətbuat xidməti məlumat verib.
"Bakı" komandası bu gün Türkiyənin "Hacettepe" klubu ilə görüşəcək.
Azərbaycan klubu yanvarın 24-də "Vaduts" (Lixtenşteyn), 26-da "Şinnik" (Rusiya), fevralın 1-də "Karlsberq" (Avstriya), 2-də "Botev" (Bolqarıstan), 3-də isə "Darri-Siti" (İrlandiya) qarşılaşacaq.
"Bakı" Antalyadakı təlim-məşq toplanışını fevralın 4-də başa çatdıracaq.
Komandanın baş məşqçisi makedoniyalı Qyoko Hacievskidir.
Məqalə müəllifi ilə əlaqə ünvanı: [email protected]