Azərbaycan, Bakı, 12 fevral / Trend , müxbir R.Ergün/ Futbol üzrə Azərbaycan yığma komandasının DÇ-2010-nun seçmə mərhələsində rəqibləri olan komandalar dünən keçirilən yoxlama oyunlarında məğlub olublar.
Trend -un verdiyi xəbərə görə, seçmə mərhələdə Azərbaycanla eyni qrupda olan Lixtenşteyn İslandiya ilə (0:2), Almaniya Norveçlə (0:1), Finlandiya Portuqaliya ilə (0:1), Uels isə Polşa ilə (0:1) yoxlama görüşündə məğlub olub.
Seçmə mərhələdə Azərbaycan millisinin digər rəqibi olan Rusiya yığması dünən yoxlama oyunu keçirməyib.
Azərbaycan yığmasının dünən Küveytlə keçirdiyi yoxlama oyunu isə heç-heçə (1:1) başa çatıb.
Məqalə müəllifi ilə əlaqə ünvanı:[email protected]