Azərbaycan, Şəki, 28 fevral / Trend , müxbir X.Əkbərova / Azərbaycanın şimal-qərbində yerləşən Qax rayonunda (paytaxt Bakıdan 380 km məsafədə) 22 yaşlı gənc itkin düşüb.
Trend -un məlumatına görə, Qax rayon sakini Turacov Yaşar Bəxtiyar oğlu fevralın 22-də səhər saatlarında evdən çıxıb və geri qayıtmayıb.
Fevralın 23-də isə Turacovun ailəsi rayon polis şöbəsinə məlumat verib.
Turacovun itkin düşməsi barədə məlumatı polis şöbəsindən təsdiqləyiblər. Onun tapılması üçün axtarış tədbirlərinin aparıldığı bildirilib.
Gəncin ailəsinin verdiyi məlumata görə, şənbə gününədək Turacovun mobil telefonuna da zəng çatmayıb. Lakin şənbə günü həmin nömrəyə zəng çatsa da, cavab verən olmayıb.
Məqalə müəllifi ilə əlaqə ünvanı: [email protected]