Azərbaycan, Bakı, 05 sentyabr / Trend , müxbir C.Babayeva /
Azərbaycanda təxminən 600 məktəb dərslərin keçirilməsi üçün yararlı vəziyyətdə deyil. Bu barədə şənbə günü jurnalistlərə təhsil naziri Misir Mərdanov bildirib.
O bildirib ki, prezidentin bununla əlaqədar olaraq xüsusi sərəncamı mövcuddur. "Təhsil Nazirliyi və digər təhsil müəssisələri məktəblərin təmiri üzrə müvafiq proqram üzərində işləyirlər", - Mərdanov deyib.
Nazir növbəti ildə təhsil sahəsinə ayrılan investisiyanın artırılacağına və yaxın bir neçə il ərzində problemin tamamilə həll olunacağına ümid etdiyini bildirib.
Azərbaycanda tədris ili sentyabrın 15-də başlayır.
Məqalə müəllifi ilə əlaqə ünvanı: [email protected]