Azərbaycan, Bakı,14 sentyabr / Trend , muxbir K.Zərbalıyeva /
Azərbaycanda yeni tədris ilinin başlaması münasibətilə polis gücləndirilmiş iş rejimində fəaliyyət göstərəcək.
Daxili İşlər Nazirliyinin mətbuat xidmətinin əməkdaşı Ehsan Zahidov bazar ertəsi Trend -a bildirib ki, polis əməkdaşları bütün respublika ərazisindəki ali və orta təhsil müəssisələrində "Bilik günü" münasibətilə keçiriləcək tədbirlərdə təhlükəsizliyi və asayişi təmin etmək məqsədilə fəaliyyətlərini gücləndirəcək.
DİN-in Baş Dövlət Yol Polisi İdarəsi isə sentyabrın 10-dan oktyabrın 10-dək respublikada "Diqqət, uşaqlar!" devizi ilə təhlükəsizlik aylığı elan edib.
Azərbaycan Prezidenti İlham Əliyevin 21 avqust 2004-cü il tarixli sərəncamına əsasən, ölkədə dərs ili sentyabrın 15-də başlayır.
Azərbaycanda 170 min müəllimin çalışdığı 4525 orta ümumtəhsil məktəb fəaliyyət göstərir.
Məqalə müəllifi ilə əlaqə ünvanı: [email protected]