Azərbaycan, Bakı, 29 yanvar / Trend , müxbir H.Bağırov/
Azərbaycanda vergidən yayınmaqda təqsirli bilinən şirkət rəhbərinə hökm oxunub.
Şirvan şəhər Məhkəməsindən Trend -a verilən məlumata görə, "İdeal" və "Serves" MMC-nin direktoru Eldar Şamo oğlu Nəsirov 3 il azadlığın məhdudlaşdırılması cəzasına məhkum edilib.
Təqsirləndirilən şəxs Cinayət Məcəlləsinin vergi ödəməkdən yayınma (213.4) maddəsi ilə ittiham olunub. Nəsirov "İdeal" və "Serves" MMC-lərə rəhbərlik etdiyi dövrlərdə həmin müəssisələrin qeydiyyatda olduğu vergi orqanına gəlirlər və xərclər barədə bəyannamələr təqdim etməməklə külli miqdarda vergiləri ödəməkdən qəsdən yayınıb.