Azərbaycan, Bakı, 31 mart / Trend , müxbir H.Bağırov/
Azərbaycanda həbri qulluqçulara işgəncə verməkdə təqsirli bilinən kiçik çavuşun cəzası ağırlaşdırılıb.
Trend -un məlumatına görə, bu gün Gəncə Apelyasiya Məhkəməsində Müdafiə Nazirliyinin "N" saylı hərbi hissəsinin 2-ci dağıdıcı tabor, maddi-texniki təminat tağımının təsərrüfat manqasının komandiri, kiçik çavuş Emin Tahir oğlu Quliyevin barəsində cəzanın ağırlaşdırılması ilə bağlı Gəncə Hərbi Prokurorluğuna apelyasiya protesti üzrə qərar elan edilib.
Qərara görə, Gəncə Apelyasiya Məhkəməsinin 26 yanvar 2010-cu il tarixli hökmü dəyişdirilib. Quliyev 1 il 6 ay islah işləri cəzasına məhkum edilib və barəsində 300 manat cərimə təyin edilib.
Cinayət Məcəlləsinin sağlamlığa az ağır zərər vurma (127.1) və hərbi qulluqçunu təhqir etmə, döymə və ya işgəncə vermə (331) maddələri ilə ittiham edilərək, Gəncə Hərbi Məhkəməsinin hökmü ilə 200 manat cərimə cəzası alıb.
Quliyev xidmət etdiyi hərbi hissədə əsgərləri döyərək, onlara işgəncə verməkdə təqsirli bilinib.