Azərbaycan Parlamentinin deputatı Türkiyənin İstanbul şəhərində keçirilən "Heydər Əliyev və Milli Siyasət" kitabının təqdimat mərasimində iştirak edib. Bu haqda Türkiyənin CİHAN informasiya agentliyi məlumat verib.
"Azərbaycan və Türkiyə arasında müxtəlif iddialarla problemlər çıxarmaq istəyənlər olub. Türkiyə ilə Azərbaycan arasında bir daha anlaşılmazlıq olmayacaq. Bakıda bazar ertəsi Atatürkün heykəlinin açılışında Türkiyə və Azərbaycan lideri ilə yanaşı, mən də iştirak etdim. Açılış mərasimində hər iki ölkə liderinin sevincli olduğunu gördüm və hesab edirəm, bu, iki ölkə əlaqələrinin səviyyəsini də əks etdirir", - Milli Məclisin Mədəniyyət komitəsinin sədri, Azərbaycan - Türkiyə Parlamentlərarası Əlaqələr Üzrə İşçi qrupun rəhbəri Nizami Cəfərov bildirib.