Аzərbaycan, Bakı, 19 may /Trend, müxbir М.Əliyev/
May ayının 21-də Azərbaycan Dövlət İqtisad Universitetində (ADİU) Azərbaycan Gənclər və İdman Nazirliyinin dəstəyi ilə "Məzun - 2010" V Respublika yarmarkası keçiriləcək.
Yarmarkada 70-dən çox şirkət və təşkilatlar vakansiyalarla iştirak edəcək.
2006-ci ildən keçirilən "Məzun yarmarkaları"nda 1800 nəfərdən çox gənc işlə təmin edilib.
Yarmarkanın keçirilməsində məqsəd ali təhsil müəssisələrində təhsil alan, eləcə də məzun olmuş gənclərin məşğulluq probleminin həllinə köməkliyin göstərilməsidir.