Azərbaycan, Bakı, 1 mart /Trend, müxbir M.Əliyev/
Azərbaycanda fevral ayının üçüncü ongünlüyündə yağan yağıntılarla əlaqədar dağ çaylarında, xüsusən də Lənkəran-Astara bölgəsi çaylarında sululuq səviyyəsinin artması müşahidə olunur. Trend-in məlumatına görə, bu barədə çərşənbə axşamı Ekologiya və Təbii Sərvətlər Nazirliyinin Milli Hidrometeorologiya Departamentindən bildiriblər.
Böyük Qafqazın Balakən-Şəki bölgəsi çaylarında sululuq ongünlük normanın 235-365, Quba-Xaçmaz bölgəsi çaylarında 120-175, Lənkəran-Astara bölgəsi çaylarında 210-265, Kiçik Qafqaz çaylarında 110-155 faizini təşkil edir.
Azərbaycan ərazisində Kür çayının səviyyəsində artım ən çox Zərdab məntəqəsində müşahidə olunub - 216 sm.
Naxçıvan Muxtar Respublikası çaylarında isə sululuq azalaraq ongünlük normanın 80 faizini təşkil edir.