Azərbaycan, Bakı, 23 iyun /Trend, müxbir K.Zərbalıyeva/
Azərbaycanda inzibati hüquqla bağlı sayt yaradılacaq.
Azərbaycan Hüquqşünaslar Konfederasiyasından (AHK) Trend-ə verilən məlumata görə, Konfederasiya www.inzibati.az saytının yaradılması sahəsində maliyyə qaynaqları axtarışındadır.
Layihənin reallaşdırılması məqsədi ilə AHK tərəfdaşları və donorlarla müəyyən görüşlər keçirir.
Saytın yaradılmasında əsas məqsəd Azərbaycanda 2011-ci ilin yanvar ayından fəaliyyətə başlayan inzibati-iqtisadi məhkəmələrin fəaliyyəti ilə əlaqədar əhalinin məlumatlandırılmasıdır. Saytda inzibati icraata dair bilgilər veriləcək.