Azərbaycan, Bakı, 5 avqust /Trend/
Türkiyənin "Beşiktaş" klubu Avropa Liqasının təsnifat mərhələsinin pley-off raundunun oyunları üzrə Rusiyanın "Alaniya" (Vladiqafqaz) futbol klubunun rəqibi olub. Trend-in məlumatına görə, bu barədə cümə günü İsveçrənin Nyon şəhərində UEFA-nın mənzil-qərargahında keçirilən püşkatma zamanı məlum olub.
"Alaniya" pley-offa üçüncü təsnifat mərhələsində Qazaxıstanın "Aktobe" klubu üzərində qələbə sayəsində (1:1, 1:1, penaltilərlə 4:3) düşüb.
İlk oyunu rəqiblər avqustun 18-də İstanbulda, cavab görüşünü isə avqustun 25-də Vladiqafqazda keçirəcəklər.