Azərbaycan, Bakı, 27 avqust /Trend, müxbir İ.İsabalayeva/
Azərbaycanın nümayəndə heyəti Qazaxıstanın Ust-Kamenoqorsk şəhərində "Altay-türk dünyasının qızıl beşiyi" mövzusunda keçirilən beynəlxalq elmi-praktiki konfrans və türkdilli xalqların etnik musiqi festivalında iştirak edir.
Mədəniyyət və Turizm Nazirliyinin mətbuat xidmətindən şənbə günü Trend-ə verilən məlumata görə, avqustun 26-27-də TÜRKSOY və Şərqi Qazaxıstan vilayətinin birgə təşkilatçılığı ilə keçirilən bu tədbirlər Qazaxıstanın müstəqilliyinin bərpa olunmasının 20 illiyinə həsr edilib.
Adıçəkilən tədbirdə Azərbaycanı AMEA-nın Dilçilik İnstitutunun böyük elmi işçisi, filologiya elmləri namizədi Etibar İnanc və aşıq Altay Məmmədov təmsil edir.