Azərbaycan, Bakı, 21 oktyabr /Trend, müxbir İ.İsabalayeva/
Azərbaycan Həmkarlar İttifaqları Konfederasiyasının "Kurort" Səhmdar Cəmiyyətinin xidmətində olan müxtəlif profilli sanatoriyaların çarpayı fondunun 80 faizindən qaçqın və məcburi köçkünlər istifadə edir. Bunu cümə günü Trend-ə Konfederasiyanın Mətbuat və ictimaiyyətlə əlaqələr şöbəsinin müdiri Nazim Ağamirov deyib.
Onun sözlərinə görə, hazırda ölkə üzrə 5 sanatoriya, 2 pansionat və 1 istirahət evi fəaliyyət göstərir. Amma onların böyük hissəsində qaçqın və məcburi köçkünlər məskunlaşıblar. Ümumilikdə, sanatoriyalarda məskunlaşan qaçqın və köçkünlərin sayı 7000 nəfərə yaxındır.