...

Tağı Əhmədov: Bakı Metropoliteninin vaqon parkı 75 faiz yenilənib

Cəmiyyət Materials 3 Noyabr 2011 16:36 (UTC +04:00)
Yeni vaqonlar Bakı Metropoliteninin vaqon parkının 75 faizini təşkil edir.
Tağı Əhmədov: Bakı Metropoliteninin vaqon parkı 75 faiz yenilənib

Trend-i buradan izləyin

Azərbaycan, Bakı, 3 noyabr /Trend, müxbir M.Əliyev/

Yeni vaqonlar Bakı Metropoliteninin vaqon parkının 75 faizini təşkil edir. Trend-in məlumatına görə, bunu Bakı Metropoliteninin rəisi Tağı Əhmədov cümə axşamı hakim Yeni Azərbaycan Partiyasının rəsmi saytına müsahibəsində bildirib.

Onun sözlərinə görə, köhnəlmiş vaqonlar 2003-cü ildən etibarən dəyişdirilir və artıq 166-dək yeni vaqon alınıb.

"Bu, kifayət qədər yaxşı göstəricidir və Azərbaycan xalqına yüksək xidmət deməkdir", - o qeyd edib.

Əhmədovun sözlərinə görə, Metropolitendən gün ərzində 600 minə yaxın sərnişin istifadə edirsə, metrosuz Bakının nəqliyyat sistemini təsəvvür etmək belə mümkün deyil. "600 min sərnişin Bakı əhalisinin təxminən 35-37 faizi deməkdir. Əgər metro olmasaydı, şəhərimizdə necə tıxaclar yaranar, nəqliyyat sistemi iflic olardı", - o deyib.

Əhmədov həmçinin bildirib ki, 2013-cü ildə Bakı Metropoliteninin daha 2 stansiyasının istifadəyə verilməsi nəzərdə tutulur - "Memar Əcəmi-2" ("Memar Əcəmi" stansiyasından keçid) və "Avtovağzal" stansiyaları. Onun sözlərinə görə, hazırda qeyd olunan istiqamətdə tikinti işləri davam etdirilir. "Metronun "Memar Əcəmi" stansiyasından paytaxtın "Azadlıq" meydanına xəttin çəkilişi də planlaşdırılır", - Metropoliten rəisi deyib.

Xəbər lenti

Xəbər lenti