Azərbaycan, Bakı, 17 fevral / Trend müxbir İ.İsabalayeva/
Azərbaycan Respublikasının Elm, mədəniyyət və ədəbiyyat üzrə Dövlət Mükafatları Komissiyası 2012-ci il üçün Dövlət Mükafatlarına əsərlərin (işlərin) qəbuluna başlayıb.
Nazirlər Kabinetindən cümə günü Trend-ə verilən məlumata görə, müvafiq sənəd və materiallar Azərbaycan Prezidentinin 2010-cu il 8 fevral tarixli 212 nömrəli fərmanı ilə təsdiq edilmiş Dövlət Mükafatları Komissiyasının Əsasnaməsində göstərilən qaydalara uyğun hazırlanmalıdır. Əsərlər aprelin 1-dək Komissiyaya təqdim edilməlidir.