...

Azərbaycanda bank hesablarının doldurulması qaydası sadələşdirilir

Cəmiyyət Materials 27 Fevral 2012 14:47 (UTC +04:00)

Trend-i buradan izləyin

Azərbaycan, Bakı, 27 fevral /Trend müxbir H.Vəliyev/

Azərbaycan əhalisi "Paypoint" özünəxidmət terminalları vasitəsilə depozit və cari hesablarını doldurmaq imkanı əldə edəcəklər. Bu barədə bazar ertəsi Trend-ə "Komtec" (ödəniş sistemlərinin quraşdırılması və servis xidməti üzrə texniki mərkəz) şirkətinin kommersiya dierktoru Fərid İsmayılzadə bildirib.

"Bu layihə çərçivəsində bütün banklarla danışıqlar aparılır və xidmətdən yaxın müddətdə özünəxidmət terminallarının şəbəkəsində, gələcəkdə isə "GoldenPay" sistemi vasitəsilə internet şəbəkəsində istifadə etmək mümkün olacaq" , - İsmayılzadə qeyd edib.

Ödəmə terminalları vasitəsilə kreditlərin və yol hərəkəti qaydalarının pozulmasına görə cərimələrin ödənilməsi də mümkün olacaq.

Hazırda sistemin proqram tərkibi üzrə yaxın müddətdə başa çatacaq texniki işlər aparılır.

Xatırladaq ki, "Paypoint" terminalları kommunal xərclərin, stasionar və mobil telefon, internet, kabel televiziyası xidmətlərinin ödənişi üçün nəzərdə tutulub.

Xəbər lenti

Xəbər lenti