Azərbaycan, Bakı, 19 aprel /Trend, müxbir E.İsmayılov/
"Azərbaycan Hava Yolları" (AZAL) və Türkiyənin "Pegasus Airlines" aviaşirkətləri Avropa və Türkiyəyə aviabiletlərə birgə endirim kampaniyası keçirir.
Trend-in AZAL-ın rəsmi saytına istinadən verdiyi məlumata görə, endirim aksiyası Almaniya, İsveçrə, Niderland və İsveç kimi ölkələrin şəhərlərinə uçuşları əhatə edir.
Belə ki, aviabiletlər Ştutqart və Kölnə 330 avrodan, Amsterdam, Stokholm, Bazel, Kopenhagen, Sürix, Münhen, Berlin və Düsseldorfa 340 avrodan, Türkiyənin 15 şəhərinə isə 290 avrodan başlayır.