Azərbaycan, Bakı, 7 may /Trend/
Rusiya Prezidenti Vladimir Putin federal və regional hakimiyyət orqanlarına noyabr ayınadək qastarbayterlər üçün rus dili, Rusiya tarixi və Rusiya qanunvericiliyinin əsaslarından məcburi imtahan keçirməyi tapşırıb. Bu barədə bazar ertəsi Trend RİA Novosti-yə istinadən məlumat verir.
"Rusiya hökuməti RF-nin dövlət hakimiyyət subyektləri orqanları ilə birgə yüksəkixtisaslı mütəxəssislər istisna olmaqla, işləyən miqrantlar üçün rus dili, Rusiya tarixi, RF qanunvericiliyinin əsaslarından məcburi imtahan keçirilməsini təmin etsin", - Kremlin mətbuat xidməti Putinin tapşırığından sitat gətirir.