Azərbaycan, Bakı, 28 sentyabr /Trend, müxbir K.Zərbalıyeva/
Bakının Qara Qarayev prospektində Heydər Əliyev Parkının qarşısında yeraltı piyada keçidinin tikintisi işləri davam etdirilir.
Trend-in "Azəryolservis" ASC-nin rəsmi saytına istinadən verdiyi məlumata görə, Bakı şəhərində nəqliyyat sisteminin təkmilləşdirilməsi üzrə əlavə Tədbirlər Planına uyğun olaraq tikilən yeraltı keçidin uzunluğu 44 m, eni 12 m, hündürlüyü isə 3 m-dir.
Keçidin Heydər Əliyev Parkına və "Diqlas" Ticarət Mərkəzinə tərəf giriş-çıxışı olacaq. 24 m hissəsi tikilən keçiddə hazırda pərdələrin betonlanmasına hazırlıq işləri gedir. Ümumilikdə işlərin 65 faizi görülüb. Tikintinin 2012-ci ildə başa çatdırılması planlaşdırılır.
