...

Bakıda Avropanın Ətraf Mühit və Səhiyyə üzrə Nazirlər Şurasının üçüncü iclası başa çatıb (FOTO)

Cəmiyyət Materials 17 Noyabr 2012 13:39 (UTC +04:00)
Bakıda Avropanın Ətraf Mühit və Səhiyyə üzrə Nazirlər Şurasının üçüncü iclası başa çatıb.
Bakıda Avropanın Ətraf Mühit və Səhiyyə üzrə Nazirlər Şurasının üçüncü iclası başa çatıb (FOTO)

Azərbaycan, Bakı, 17 noyabr /Trend/

Bakıda Avropanın Ətraf Mühit və Səhiyyə üzrə Nazirlər Şurasının üçüncü iclası başa çatıb.

Ekologiya və Təbii Sərvətlər Nazirliyinin mətbuat xidmətindən Trend-ə bildiriblər ki, iclasda Ümumdünya Səhiyyə Təşkilatının Avropa üzrə Regional Bürosunun direktoru Suzanna Cakab, BMT-nin Ətraf Mühit Proqramının Avropa üzrə Regional Bürosunun direktoru Yan Dusik, Sloveniya Respublikasının Səhiyyə Naziri Tomas Gantar, Belarus Respublikasının ətraf mühit naziri Vladimir Tsalko, Serbiya Respublikasının Səhiyyə Nazirliyinin dövlət katibi Vladimir Djukiç, Türkiyə Respublikasının Ətraf Mühit və Şəhərsalma Nazirliyinin Ətraf Mühitin İdarəçilik Ofisinin baş direktoru Mehmet Baş, Azərbaycanın ekologiya və təbii sərvətlər naziri Hüseyn Bağırov və digər nümayəndələr iştirak ediblər.

İclasın gündəliyində duran - 2011-ci il Paris və 2012-ci ildə Bonn şəhərlərində keçirilmiş ilkin sessiyaların davamı olaraq Ətraf Mühit və Səhiyyə prosesinin gündəliyinə əsasən həyata keçirilmiş məsələlər, Ətraf Mühit və Səhiyyə üzrə Nazirlər Şurası tərəfindən irəli sürülmüş Avropa regionunda ətraf mühit və səhiyyə prioritetləri üçün yenilənmiş çərçivənin yaradılması ilə bağlı müzakirələr aparılıb.

İclasda Heydər Əliyev Fondunun vitse-prezidenti, İDEA-nın təsisçisi Leyla Əliyeva iştirak edərək İDEA (International Dialogue for Environmental Action - Ətraf Mühitin Mühafizəsi üzrə Beynəlxalq Dialoq Kampaniyası) və UNEP-in (United Nations Environment Programme - BMT-nin Ətraf Mühit Proqramı) əməkdaşlığı ilə reallaşdırılan "Yaşıl Həftə" layihəsinin nəticələrini təqdim edib.

İclasın sonunda qonaqlar Azərbaycan dövlətinə belə bir tədbirə ev sahibliyi etdiyinə görə öz minnətdarlıqlarını bildiriblər.

Məqalədə:
Xəbər lenti

Xəbər lenti