Azərbaycan, Bakı, 24 sentyabr /Trend, müxbir İ.İsabalayeva/
Azərbaycanda 1520 nəfər qaçqın və sığınacaq axtaran şəxs var.
Bunu Trend-ə BMT-nin Qaçqınlar üzrə Ali Komissarlığının (QAK) Azərbaycandakı nümayəndəliyinin sahə məsələləri üzrə baş məsləhətçisi Elsevər Ağayev deyib.
Onun sözlərinə görə, qaçqın və sığınacaq axtaran şəxslərin çoxu əfqanlardır. Azərbaycandakı qaçqın və sığınacaq axtaran şəxslərin 46 faizi əfqanlar, 43 faizi çeçenlər, 5 faizi iranlılardır. Qalan qaçqın və sığınacaq axtaran şəxslər isə digər dövlətlərindəndir.