Azərbaycan, Bakı, 22 may /Trend/
20 may tarixində Koreya Respublikasının Azərbaycandakı Səfirliyi tərəfindən təşkil olunan K-pop 2014 Dünya Festivalının Azərbaycan üzrə regional müsabiqəsi Bakı Dövlət Universitetində keçirilib.
Səfirlikdən Trend-ə verilən məlumata görə, Bakı Dövlət Universitetinin akt zalında tamaşaçıların qarşısında 14 iştirakçı müsabiqədə yarışıblar.
Müsabiqənin qalibi Samsung Galaxy Tab planşeti qazanıb və internet sorğusundan, professional seçimdən sonra oktyabr ayında keçiriləcək K-pop 2014 Dünya Festivalında iştirak etmək üçün Koreyaya səyahət imkanı əldə edəcək.
K-pop müsabiqəsi musiqi vasitəsilə Azərbaycan və Koreya xalqlarının anlaşmasına böyük fürsət yaradıb.