...

Azərbaycanda məktəbəhazırlıq mərhələsini keçmiş uşaqlar məktəblərdə ayrı siniflərdə oxuyacaqlar

Cəmiyyət Materials 24 İyun 2014 13:24
Azərbaycanda məktəbə hazırlıq mərhələsini keçmiş uşaqların sayı imkan verdiyi halda, onlar ayrı sinifdə (siniflərdə) komplektləşdiriləcəklər.
Azərbaycanda məktəbəhazırlıq mərhələsini keçmiş uşaqlar məktəblərdə ayrı siniflərdə oxuyacaqlar

Trend-i buradan izləyin

Azərbaycan, Bakı, 24 iyun /Trend, müxbir İlhamə İsabalayeva/

Azərbaycanda məktəbə hazırlıq mərhələsini keçmiş uşaqların sayı imkan verdiyi halda, onlar ayrı sinifdə (siniflərdə) komplektləşdiriləcəklər.

Təhsil Nazirliyindən Trend-ə verilən məlumata görə, bu, təhsil naziri Mikayıl Cabbarovun yeni imzaladığı "Uşaqların (şagirdlərin) ümumi təhsil müəssisələrinə qəbulu və yerdəyişməsi Qaydaları"nda öz əksini tapıb.

Qaydalara əsasən, üzrlü səbəb - xəstəliklə bağlı müalicə, fövqəladə hadisə, xidməti ezamiyyə ilə əlaqədar valideynlərin (digər qanuni nümayəndələrin) başqa yerdə olması - olduğu halda dərs məşğələlərinin başlandığı tarixdən 1 (bir) ay müddətində uşağın I sinfə qəbuluna icazə verilir. Həmin müddətdən sonra I sinfə uşaq qəbulu aparılmır.

Uşağın I sinfə qəbulu barədə valideynin (digər qanuni nümayəndənin) ərizəsi müvafiq dərs ilinin ikinci yarımilindən etibarən növbəti dərs ili başlananadək məktəbdə qeydiyyata alınır. Uşağın məktəbəhazırlıq mərhələsindən keçməməsi onun I sinfə qəbuluna təsir etmir.

Məktəbə hazırlıq mərhələsini keçmiş uşaqların sayı imkan verdiyi halda, onlar ayrı sinifdə (siniflərdə) komplektləşdirilir. I sinfə qəbul olunmuş, lakin uzun surən xəstəlik və digər üzrlü səbəblərdən məktəbə gəlmədiyi üçün biliyi qiymətləndirilməmiş şagirdin təkrar I sinifdə oxumasına yol verilir.

I sinfi bitirmiş şagirdin təkrar I sinifdə oxuması yolverilməzdir.

Bu və ya digər səbəbdən müəyyən olunmuş müddətdə I sinfə qəbul
edilməyən 8 yaşdan yuxarı uşaqların təhsilə cəlbi "Fərdi təhsilin təşkili haqqında Qaydalar"a uyğun həyata keçirilir.

Xüsusi istedada malik uşaqların vaxtından əvvəl I sinfə qəbulu
Təhsil Nazirliyinin müəyyən etdiyi müvafiq qaydalara uyğun aparılır.

Məqalədə:
Xəbər lenti

Xəbər lenti