...

Azərbaycanda son iki ay yarımda 950 nəfər əlilliyi olan şəxs istirahət mərkəzlərinə göndərilib

Cəmiyyət Materials 11 Avqust 2014 11:15 (UTC +04:00)
Azərbaycan Respublikası Əmək və Əhalinin Sosial Müdafiəsi Nazirliyi (ƏƏSMN) tərəfindən “2014-ci ildə əlillərin və sağlamlıq imkanları məhdud uşaqların sosial müdafiəsi və reabilitasiyası Proqramı”na uyğun olaraq, daha 30 nəfər əlilliyi olan şəxs Şəkidə yerləşən sağlamlıq-istirahət mərkəzlərinə yola salınıb.
Azərbaycanda son iki ay yarımda 950 nəfər əlilliyi olan şəxs istirahət mərkəzlərinə göndərilib

Azərbaycan, Bakı, 11 avqust /Trend/

Azərbaycan Respublikası Əmək və Əhalinin Sosial Müdafiəsi Nazirliyi (ƏƏSMN) tərəfindən "2014-ci ildə əlillərin və sağlamlıq imkanları məhdud uşaqların sosial müdafiəsi və reabilitasiyası Proqramı"na uyğun olaraq, daha 30 nəfər əlilliyi olan şəxs Şəkidə yerləşən sağlamlıq-istirahət mərkəzlərinə yola salınıb. Bu barədə Trend-ə Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən məlumat verilib.

Bununla ƏƏSMN tərəfindən cari ilin yaz-yay mövsümündə ölkənin Şəki, Lənkəran və Xaçmaz rayonlarındakı istirahət və sağlamlıq mərkəzlərində istirahəti təşkil olunan əlilliyi olan şəxslərin sayı 950 nəfərə çatıb. Adıgedən proqrama əsasən, mövsümün sonunadək daha 112 nəfər istirahətə yola salınacaq.

Qeyd olunan mərkəzlərdə xüsusi proqram çərçivəsində əlilliyi olan şəxslər üçün musiqili-əyləncəli tədbirlər, idman yarışları və viktorinalar, göldə üzgüçülük, balıq ovu, ətraf rayonlara gəzinti turları təşkil edilir. Həmin şəxslər istirahət etdikləri müddətdə tibbi və fizioterapevtik prosedurlara da cəlb olunurlar.

Məqalədə:
Xəbər lenti

Xəbər lenti