Azərbaycan, Bakı, 15 dekabr /Trend, müxbir İlkin İzzət/
Paytaxtın Ziya Bünyadov prospektinin əsas yolunda üfüqi nişanlanma, yol nişanları və lövhələrin quraşdırılması başa çatdırılıb.
Bunu Trend-ə Nəqliyyat Nazirliyi "Azəryolservis" ASC-nin mətbuat katibi Pünhan Mürsəliyev deyib.
P.Mürsəliyev qeyd eidb ki, hazırda köməkçi hissələrdə yol nişanlarının quruşdırılması və üfüqi nişanlanma işləri aparılır: "Bundan əlavə, prospektin Böyük Şor yol qovşağına birləşən sahəsində və dönmə əməliyyatı üçün nəzərdə tutulan hissəsində asfalt-beton örtüyünün sonuncu qatının vurulması davam etdirlir. Hava şəraiti imkan verərsə, işlərin gün ərzində başa çatdırılması gözlənilir. Bu gün həmin sahədə işlər yekunlaşarsa, səhər saatlarında sözügedən bağlı hissənin açılması planlaşdırılır".