Bakıda iyulun 2-i gündüzə kimi hava küləkli olacaq
Azərbaycan, Bakı, 30 iyun /Trend, müxbir İlhamə İsabalayeva/
Bakıda iyulun 2-ü gündüzə kimi küləkli hava şəraiti üstünlük təşkil edəcək.
Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosundan Trend-ə bildirilib ki, iyulun 1-də Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir.
Şimal-qərb küləyinin güclənəcəyi gözlənilir. Belə küləkli hava şəraiti iyulun 2-i gündüzə kimi davam edəcək.
Paytaxtda havanın temperaturu gecə 22-25, gündüz 28-33 dərəcə isti olacaq.
Azərbaycanın rayonlarında iyulun 1-də hava əsasən yağmursuz olacaq. Qərb küləyi əsəcək, arabir güclənəcək.
Havanın temperaturu gecə 20-25, gündüz 35-40 dərəcə isti olacaq. Dağlarda havanın temperaturu gecə 14-19, gündüz 25-30 dərəcə isti olacaq.
