Bakı. Trend:
Azərbaycan gömrükçüləri külli miqdarda narkotik vasitənin ölkə ərazisindən tranzit keçirilməklə qaçaqmalçılıq yolu ilə aparılmasına cəhdin qarşısını alıblar.
Trend-ə Dövlət Gömrük Komitəsindən verilən məlumata əsasən, keçirilmiş əməliyyat tədbirləri nəticəsində Xaçmaz Gömrük İdarəsinin "Samur" gömrük postunda İran İslam Respublikasından gələn və Azərbaycan Respublikasının ərazisindən tranzit keçməklə Ukraynaya getmək istəyən "90-ZV-438" / "99-ZC-154" nömrəli yük avtomobili saxlanılıb.
Azərbaycan Respublikası vətəndaşının idarə etdiyi həmin avtomobilə baxış zamanı 450 kq narkotik vasitə - heroin aşkar olunaraq götürülüb.
Hazırda əməliyyat tədbirləri davam etdirilir.