...

İtalyan azarkeş gimnastika yarışlarına görə üçüncü dəfədir Bakıya gəlib (FOTO)

Cəmiyyət Materials 24 İyul 2016 12:55 (UTC +04:00)
"Bakıda keçirilən bədii gimnastika üzrə Dünya Kubokunun finalı çox yüksək səviyyədə təşkil edilib".
İtalyan azarkeş gimnastika yarışlarına görə üçüncü dəfədir Bakıya gəlib (FOTO)

Bakı. Elçin Mehdiyev - Trend:

"Bakıda keçirilən bədii gimnastika üzrə Dünya Kubokunun finalı çox yüksək səviyyədə təşkil edilib".

Bunu Trend-ə iyulun 22-24-də Bakıda keçirilən bədii gimnastika üzrə Dünya Kubokunun finalına tamaşa etmək üçün ailəsi ilə birgə İtaliyadan gəlmiş gimnastika azarkeşi Andrea Panini deyib.

O qeyd edib ki, yarışın keçirildiyi Milli Gimnastika Arenası çox möhtəşəmdir: "Həm tamaşaçılar, həm də idmançılar üçün çox rahat şərait yaradılıb, bir sözlə, hər şey çox yüksək səviyyədə təşkil olunub. Buna görə Azərbaycana təşəkkür edirik və Bakıya gəlməyimizdən çox şadıq".

Bakıda bədii gimnastika üzrə Dünya Kuboku yarışlarının sonuncu günü başladı (FOTO)

Bakıda bədii gimnastika üzrə Dünya Kuboku yarışlarının sonuncu günü başladı (FOTO)

A.Panini dünyanın hər bir ölkəsində beynəlxalq gimnastika yarışlarında azarkeş kimi iştirak etdiyini bildirib: "Dünyanın harasında gimnastika yarışı keçirilirsə, biz komandamızı dəstəkləmək üçün ora gedirik. Bakıya da artıq üçüncü dəfədir gəlirik. Bu il Azərbaycanda gimnasika üzrə 3 Dünya Kuboku turniri keçirilib və hər üçündə də gəlib komandamıza dəstək olmuşuq".

Qeyd edək ki, bu il bədii gimnastika üzrə FIG Dünya Kubokunun finalı 22-24 iyul tarixlərində Azərbaycanın paytaxtında keçirilir. Yarışların ilk iki günündə çoxnövçülükdə 17 ölkənin gimnastı medallar uğrunda mübarizə aparıb. Dünya Kubokunun son günündə ayrı-ayrı növlər üzrə finallar keçirilir.

Məqalədə:
Xəbər lenti

Xəbər lenti