Bakı. Trend:
Azərbaycan Respublikası Ərazilərinin Minalardan Təmizlənməsi üzrə Milli Agentliyi (ANAMA) tərəfindən bu gün Ağcabədi və Tərtər rayonlarında aşkar olunmuş Partlamamış Hərbi Sursatlar (PHS) haqqında hesabat açıqlanıb.
Agentlikdən Trend-ə verilən məlumata görə, Ağcabədi rayonunun Yuxarı Qiyaməddinli kəndində 2 əkin sahəsində 2 partlayış yerinə baxış keçirilib, partlamış 9M22U - Qrad raketi və top mərmisinin qalıqları aşkar edilərək götürülüb, 6 000 kv.m ərazi yoxlanılıb.
Ümumilikdə 2 əkin sahəsi, 2 partlayış yeri, partlamış 9M22U - Qrad raketi və top mərmilərinin qalıqları aşkar edilərək götürülüb, 6 000 kv.m ərazi yoxlanılıb.
Tərtər rayonunun Həsənqaya kəndi – 1 otlaq sahəsində 3 partlayış yerinə baxış keçirilmiş, partlamış hərbi sursatın qalıqları aşkar edilərək götürülüb, nəticə etibarilə 7 000 kv.m ərazi yoxlanılıb.
Ümumilikdə 1 otlaq sahəsi, 3 partlayış yeri, partlamış hərbi sursatın qalıqları aşkar edilərək götürülmüş, 7 000 kv.m ərazi yoxlanılıb.
Bu gün 2 əkin sahəsi və 1 otlaq sahəsində 5 partlayış yerinə baxış keçirilmiş, partlamış 9M22U - Qrad raketi və top mərmisinin qalıqları aşkar edilərək götürülüb, 13 000 kv.m ərazi yoxlanılıb.
Ümumilikdə Agentlik tərəfindən 7 Aprel-18 avqust tarixlərində Zərdab, Tərtər, Ağcabədi, Ağdam, Bərdə, Füzuli, Goranboy, Tovuz, Qazax, Ağstafa, Samux, Göygöl, Şəmkir, Cəlilabad, Ucar, Astara rayonlarında, Mingəçevir, Sumqayıt, Gəncə, Lənkəran və Bakı şəhərlərində 642 ev və həyətyanı sahə, 2 hərbi hissə, 2 kənd qəbiristanlığı, 5 kənd orta məktəbi, 1 tibb məntəqəsi, 1 metal anbarı, 30 ferma, əkin sahələri, 1 çaxır zavodu və 1 çınqıl karxanası ərazisinə baxış keçirilmiş, 3 472 ədəd partlamamış hərbi sursat, 15 ədəd piyada əleyhinə mina (PMN), 3 ədəd piyada əleyhinə mina (POMZ-2), 1 ədəd piyada əleyhinə mina (OZM-72) və 31 ədəd tank əleyhinə mina aşkar olunaraq zərərsizləşdirilib.
Hazırda Agentlik tərəfindən yaradılmış xüsusi təyinatlı mobil çevik qrupları minaaxtaran itlərin dəstəyi ilə təmas xəttində yerləşən kəndlərdəki evlərlə yanaşı məktəblər və digər obyektlərin yerləşdiyi ərazilərdə əməliyyatları davam etdirir.
